ازهيريات روعة

ياخذني الدرب عنك وردبي
ودربي من الدمع خضر وردبي
أنتظر مكتوب من عندك ورد بي
سامحني أحبك موبدي

الوصف يفلان عاجز يوصف أنتة
شمحلاتة وياضحكتة وياصفنتة
حمت مابين المدارس ياصف أنتة
المدير بكبرة ياخذلك تحية

أخبرك كلب هايم عاشك بسمر
ولحالي لوتريد تشوف بس مر
تلكةكل عضو بعضاي بسمر
نابت من أثر بعدك علية


يعظم الله المصايب هاي ماجور
وتظل الكلوب تبجي بظلم ماجور
اظن فاعل فعلته وياك مأجور
عسى لا هنا بنومة هنية


لا اشره على الظالم ولا اعتاب(من العتب)
بهدم قبة علي الهادي والاعتاب
الي يبن الحسن حسره والي عتاب
شهجب صبرك على هدم البنية


وحك من كون الاكوان وابسط
انه اسهل من نسيم الروح وابسط
جنت املك مخدة صوف وابساط
الاجوني فرهدو ذني من اديه



بعدك كمت اسوي اللوح ويبات
ولا اخلي دليلي يهين ويبات
الحزن وياي طول الليل ويبات
بفراشي ويسولفلي عليه


ثيابي من جـمـر نـارك . . دوا لي
اجرحتني وما اظن ينفع . . دوا لي
عـليـة شبيـك متكبر . . دولي
حبيبي انت شنو بالنسبة



صاحب لاتظن مسرور بعداك
وعسى سم الزهر يندار بعداك
الكلب من نار بعدك شيطفي
يطفيها الوكت من ترد ليه


كآس الخمر من ضاك نفسك سكر
واكو غيرك حلو بس ماكو نفسك
اريدك يا حبيبي تبوس نفسك
بس بداخلك تنويها اليه


حبك بالكَلب حافر وناقش
وصرت نيران تحركَني واناقش
اريد اكَعد وياك احچي واناقش
واكَلك لشوكت تقسي عليه


بسلاك
عگدت الگلب وسط الشوك بأسلاك
ونذرت العمر ويه الروح بس لك
احبك ولا تفكر يوم بسلاك
انه بنومي ويمر طيفك عليه


وعلاه
شربت المر وجرعت الآه عالآه
واصيح الآه وانت ترد وعلآه
وحگ الي سره بعبده وعلاه
لأزگيك الزهر باثنين ايديه



تعرفني احبك واشتمنك لـــــــو
ولان منطي للواشي وشتمنك
اريـــــد اليوم احضنك واشتمنك
واشوفك هم تذب روحك عليه


كظيت الدهر ما فد يوم حنيت
واديه من دموع العين حنت
يايمه وداعتج هاليوم حنيت
وشلت نار الدمع بثنين اديه



عسر غيري النوايب فاتحتمن
وسهم هجرك بقلبي فات حتمن
اكتلتني وجاي تنشد فاتحتمن
ولا جنك رحت جناز بيه

كم مره يزعل مني واراضي
ويدلّل على قليبي واراضي
مابقت عندي املاك واراضي
بعت حتى هدومي ال عـليـّه


مامن عارفه ياناس ينسال

دمع العين كبل البجي ينسال

شفنه البي مرض يناس ينسال

وانا مسلول مامن مرض بيه

احبابي شلون حالتكم بعدنا

شبدينا والوكت عنكم بعدنا

اذا انتم نسيتونا بعدنا

بذكركم كل صباح وكل مسية


القلب مارف على غيرك ولامال
خلص عمري من كثر وعودك والامال
ابد لاولف عندي يأنسني ولا مال
الونس انته حبيبي وهاي هيه

اكتب شما ردت تكتب و ردلك
أزعل وابتعد عنك و ردلك
بساتين بوسط قلبي ووردلك
وشما تبعد تظل غالي علية

دمع عيني بغيابك بره سايل
وعليك الكلب يطلع بره سايل
ما ينفع غزلنه برسايل اريد الغزل وانت بين اديه

اخوي انت الاحلى وكلامك انت الاجمل وانت طلتك الاحلى